黃心穎29歲生日同馬國明甜蜜撐枱腳 點解黃長興會在場？
撰文：張嘉敏
出版：更新：
心穎BB無喺自己IG貼佢同馬明慶祝生日嘅合照。
馬國明同黃心穎雖然從來無公開承認過戀情，亦唔會當眾拍拖，不過已經算是圈中公開的一對，即使曾經傳出兩人分手的傳聞，亦無損他們的感情，依然愛得甜蜜。昨日 (1月23日) 是心穎BB的29歲正日生日，身為男朋友的馬明當然要陪女朋友慶祝啦。今日黃長興就於instagram上載了他與馬明以及心穎BB的合照，好明顯係馬明同心穎BB慶祝緊生日，心穎BB輕倚馬明身前，笑得好sweet好開心。黃長興留言表示：「首先恭喜馬明攞到最喜愛男角色，亦都祝心穎bb生日快樂。」
出賣朋友系列。
有網民就講笑咁話黃長興做了「電燈膽」，但據知他並非咁唔通氣阻住人二人世界，只係馬明同心穎BB去了他有份投資的法國餐廳食生日飯咋。另外心穎BB亦於自己的IG上載了一張單人慶生相話：「This expression summarized my birthday!簡單的、溫暖的、開心的。多謝你哋嘅祝福！」
心穎BB的家姐黃心美也有於她的IG祝賀細妹表示：「1989年1月23日，上天賜給我們家你這份大禮。這二十九個年頭，你恰到好處地演活小女兒、小妹的角色, ...適量的刁蠻任性、剛剛好的率直可愛, 為我們家帶來數不盡的歡樂與驕傲。小B，生日快樂！願你永遠健康幸福、無後顧之憂地去做自己想做的事！」好有愛㗎，
兩姊妹好有愛。