【開心速遞】Terry李偉健即將結婚 舅父KC竟然唔出席婚禮？
撰文：張嘉敏
出版：更新：
呢對CP其實各自有另一半。
無綫處境劇《愛‧回家之開心速遞》入面有好多對CP都好受觀眾同網民歡迎，其中一對就係KC (歐瑞偉飾) 同Terry (李偉健飾) 喇，兩人在劇中的舅父同外甥關係充滿hehe味得來又夠晒搞笑，大家都非常受落。不過呢份hehe情當然只限於戲內啦，現實生活中兩人都各有有另一半，歐瑞偉早已結婚同老婆育有一對仔女，至於李偉健原來亦已經向圈外女友求婚成功，今年將會成家立室喇。
KC同Terry在劇中勁多對手戲。
今日有報道指李偉健早前向劇組請假並安排了於今年3月與未婚妻旅行結婚，暫時未知會否擺酒。而身為他劇中舅父的歐瑞偉亦表示收到了通知，可惜就未必可以參加到婚禮，因為那段期間要返內地拍劇，但就一定會送上祝福。
KC同Terry被觀眾同網民認定係一對。