【萬千星輝】蔡康年做紅地氈司儀出錯 讀錯名最尷尬:請大家原諒

撰文:張嘉敏
出版:更新:
蔡康年無介紹到江嘉敏出場,令佢好尷尬。

無綫年度盛事《萬千星輝頒獎禮2017》已經圓滿結束,賽果至今依然惹來不少討論。其實除了當晚的賽果成為話題,當晚紅地氈的司儀蔡康年亦一樣被網民熱烈討論,講的是他全程錯漏百出,表現得相當唔專業,有人甚至形容係一場災難。網上更有一條剪輯了蔡康年各種錯處的短片,網民都紛紛留言鬧爆蔡康年,仲話唔明他點解可以錯得咁離譜。

蔡康年當晚擔任紅地氈司儀嘅表現強差人意。

相信蔡康年事後都有檢討過自己當晚的表現,所以他於頒獎禮翌日凌晨就於自己的facebook道歉,留言表示:「《對不起》今天作為萬千星輝頒獎典禮紅地氈的司儀,說錯了同事的名字,衷心向大家致歉!懇請大家原諒,無論甚麼原因…講錯就是錯,在此向龔嘉欣的fans、電視劇《親親我好媽》的fans 送上衷心道歉,希望大家原諒! #NeverGiveUp #繼續努力 #我愛TVB #iLOVEyouALL #團隊精神 #恭喜所有得獎藝員同事」都有網民讚他勇於認錯嘅,不過大部分的留言都是批評他表現的確強差人意囉。

佢將《親親我好媽》讀錯做《親親我媽媽》。
又將龔嘉欣讀咗做鍾嘉欣。

究竟蔡康年當晚錯咗啲咩?搞錯出場序、讀錯藝人名、讀錯劇名、讀錯劇組、讀漏藝人名、亂咁介紹藝人等等,不斷出錯的他令現場氣氛勁尷尬。例如他將《親親我好媽》一劇讀成《親親好媽媽》,稿入面有寫江嘉敏個名但實際上沒有現身,但蔡康年都照跟稿讀,仲連稿上寫有江嘉敏的介紹資料都讀埋,到後來江嘉敏真正出場時卻沒有任何介紹,連名都無讀。當阮兆祥同呂慧儀出場時,蔡康年竟然讀了《學是學非》組別的梁嘉琪、湯洛雯、劉穎鏇、張寶兒個名。之後蔡康年又將劉穎鏇讀錯做梁穎鏇,龔嘉欣讀錯做鍾嘉欣。楊明出場時又講錯對方已提名過六次,其實是5次。

佢就算道咗歉都繼續有被網民批評。
阮兆祥同呂慧儀畀蔡康年搞到差啲唔敢出場。