【後生仔傾吓偈】大談帶異性回家經歷 馮盈盈：男友飲完酒再過夜
撰文：黃梓恒
出版：更新：
這個世代，後生仔帶男、女朋友回家真是一件好小事，不過究竟是光明正大地帶回家，還是要偷偷摸摸，就要看屋企人的思想了。在節目《後生仔傾吓偈》中，麥明詩就表示自己帶男友回家是光明正大的，還要幫他先上課，例如入屋一定要叫人，不能兩手空空上去，吃飯時要聊天，去廁所一定要放廁板，嘩！規矩多到呢。至於客席嘉賓蔡思貝則說屋企沒有甚麼規矩，十分開通，隨時可以帶朋友返家裡食飯。
思貝話自己屋企好開通。（電視畫面）
至於陸浩明就古惑喇，大學時代有女朋友已經會偷偷地上去她的屋企，而且計好晒數，朝早六點，女生的家人全部未起身，仲話好緊張、好激添！至於馮盈盈就當然有嘢講喇，佢話自己都試過帶男朋友回家過夜，而且仲要飲完酒！事緣是當時正值新年，盈盈的弟弟發起要打麻雀，於是她的男朋友都有份到場，又適逢喜氣日子，飲酒助慶是常識吧，結果打完牌都已經好夜，所以男朋友咪可以喺盈盈屋企過夜囉！
馮盈盈次次都語出驚人。（電視畫面）