【Monster Hunter World】張秀文公開個人ID 誠招高手組團斬龍
撰文：林迅景
出版：更新：
識打機嘅女仔，係加分嘅。（Instagram圖片）
《Monster Hunter World》出街第2天，又正值星期六，日，相信大家都已經打得如火如荼，而各大公司的請假潮亦開始漸漸浮現。「芒亨」受歡迎的程度係點？就連機迷之一的張秀文都熱衷其中。張秀文接受《香港01》訪問說：「買左兩日，但係都要開工，砌個樣同隻貓都用左超過半個鐘，打埋個教學，5點頂唔住瞓咗。哈哈哈，好想請假。」相信唔止妳一個人想請假斬龍，全香港所有「斬龍友」都有同感。
【Monster Hunter World】張秀文砌樣用超過半個鐘 隻貓先係重點
張秀文平時喺屋企好可能係呢個樣。（Instagram圖片）
講開又講，原來「芒亨」對於「斬龍友」張秀文來說都算係有難度。張秀文：「我用慣太刀，易上手。不過斬龍嚟講，我有時又真係斬得唔夠準，有高手幫手就最好。」睇到呢度，大家係咪好開心呢？可以同張秀文一齊打機喎。更可以順便向張秀文顯示一下「男性魅力」。不過張秀文也對應徵的「高手們」有要求：「可唔可以要啲有腦嘅高手呀，識整陷阱嗰啲好鬼醒。」而武器方面就好似冇咩要求。她更說：「我喺ig都有叫人幫手，唔好見到我就唔同我打。」張秀文仲好大方咁留低個ID。
各位高手機會嚟啦，不過真係要快手，id一公開，相信女神會招呼唔切。
張秀文PSN ID：Orange_sauman
想add佢就快手啦。
+2