黃心美日前與家人到日本旅行，還到箱根住溫泉酒店，真係好爽，所以她在ig不斷上載限時動態，盪失路、錯過班車，還有在旅館享用美食都擺晒上去。而二家姐黃心妙都有影相放ig，四個女仔一齊浸溫泉，而媽媽都有份去旅行，望落都好後生，於是心妙都有落hashtag： #大家唔好問我邊個係阿媽、#新四朵金花。

有齊大家姐、二家姐，三家姐都有埋，咁細妹黃心穎呢？原來她要在港工作，所以都要在ig上載照片安慰自己，先來扮哈利波特，後有四格照兼留言：「我家啲女人今日去旅行！話說又無我份！不過聽講佢地落錯車、迷路...唉，無我係咁㗎喇！」聽落都有陣酸味，唯有咁樣氹自己！