【我本善良】Mon姐吳詠虹擺烏龍嫁毒販　網民讚劇中舞小姐好高質

無綫深宵時段重播經典劇集《我本善良》，近日劇情講到陳庭威飾演的家榮，獲得大老闆曾江賞識，擔任夜總會的揸Fit人，身邊當然是美女如雲，而網民焦點亦落在他公司的一班舞女上，紛紛留言話「榮哥班女咁正，梗係做得有聲有色啦」、「靚過晒依家班女主角」，其實這只是反映了當年無綫人才濟濟。

劇中演出舞女的有第4屆華星新秀林楚麒外，還有「銀河十星」之一的吳詠虹，不過當年無綫有潛質的靚女一大籮，同劇已有黎美嫻、邵美琪，令其他女角紛紛變了大茄，若然放在今天，就算未到女主角級數，女配角都肯定走唔甩，而發展不如意的吳詠虹，最終離開無綫，現時是一名化妝師。

相關文章：

【我本善良】蘇敏除衫誘惑家榮　林楚麒TVB最後一劇

【我本善良】林楚麒跟家駒關係成謎　自稱未亡人身分惹罵戰

吳詠虹飾演的夜總會小姐Mon姐，生得靚之外，亦相當有義氣，不時照顧一班好姊妹，近日她終於上岸埋街食井水，而且會跟未來丈夫移民到非利文島，還會有橡膠園、椰子園揸手，令夜總會的一班小姐又羨又妒。不過之後劇情會講到她的丈夫，其實是泰國毒販，仲被警方密切監視之中，至於Mon姐的婚事會否觸礁，就留待觀眾慢慢追看。