【守護神】歐鎧淳首次拍劇嗌辛苦 男友胡子彤陪睇劇本
撰文：鄺鈺瑩
出版：更新：
歐鎧淳首次接拍《守護神》劇集，為怕影響練水，所以只能犧牲休息時間。（陳順禎攝）
去年從游泳界轉戰娛樂圈的「美人魚」歐鎧淳，大受廣告商同電影片商歡迎。踏入2018年，飛魚女神連網劇都撈埋，講緊嘅係由愛奇藝同邵氏兄弟影業合作的《守護神》。劇集日前舉行煞科宴，歐鎧淳與男友胡子彤一齊現身，十分恩愛。
對於男友於劇中同陳瀅有親熱戲，歐鎧淳表示明白係工作需要唔介意。（陳順禎攝）
首次拍劇，雖然只有一個單元的戲份，但歐鎧淳笑言已經非常突破。「之前好擔心，因為我本身成日要練游水，幸好得到劇組的遷就，將所有戲份安排在星期六、日拍攝。」閒日練水，周未拍攝，令歐鎧淳感到十分辛苦。「瞓得三四個鐘，真係好辛苦，同練水一樣，都係要畀心機同時間，兩者共存的話要識得平衡。」歐鎧淳指劇中與她最多對手戲的是黃庭鋒。「佢都係游泳選手，但因為某些事情所以無時間練習，同現實的我好相似，其實今次接劇嘅原因都係因為角色同游水有關。」
歐鎧淳唔介意同男友情侶檔工作。（陳順禎攝）
歐鎧淳之後又透露拍攝前並不知道男友也接下《守護者》。「我拍完之後佢先接，大家唔同單元出現，都有同佢傾應該點演，同逼佢一齊睇劇本。」問到二人對於情侶檔演出有何看法，她們就認為劇本同時間許可的話，並不太拒抗。