【開心速遞】大小姐講句無聊話都上晒心 送水輝終於動真情
撰文：張嘉敏
出版：更新：
大小姐一直都好冧送水輝。
無綫處境劇《開心速遞》入面咁多條感情線，相信一班觀眾同網民最鍾意睇的，就是大小姐 (林淑敏飾) 同送水輝 (許家傑飾) 呢一對CP喇。而一開始只有大小姐的瘋狂單戀，送水輝依然不為所動，到昨晚播出的一集，送水輝終於因為大小姐的金句而真心欣賞大小姐，仲不知不覺對大小姐動了心添，大小姐講咩他都記上心。看來呢對CP的戀火已經暗地裡在慢慢萌芽，真係好想快些看到他們兩個正式拍拖呀。
大小姐嘅金句得到送水輝力撐。
送水輝聽完即刻勁BUY。
而劇情講大小姐同公司同事去做義工時，為了捍衛窮人的尊嚴，就大爆金句話：「人有尊嚴㗎，有要求有幾出奇呀？如果我龍力蓮將來就算乞食，都唔係話係畀乜嘢我我都要食㗎，我都一樣可以揀食邊個垃圾桶嘅垃圾。」就係呢番說話令送水輝勁buy，仲於他同自己個仔見家長時引出了出來。事實大小姐又真係講得好有道理，送水輝咁撐她都可以理解。但就連大小姐隨口講句無聊話：「我就算企喺度撩鼻屎都可以撩出個5毫子。」送水輝卻竟然記住兼且苦思呢句話的意思，連發夢都諗住，上晒心，咁仲唔係對大小姐動咗心？
大小姐好擔心送水輝點睇自己。
送水輝連大小姐講句無聊嘢都咁上心。
+5