江嘉敏用風筒吹曱甴 劉穎鏇嚇死：係咪痴線㗎？佢癲㗎！
撰文：張嘉敏
出版：更新：
Tiffany講到七情上面。
劉穎鏇 (Tiffany) 同江嘉敏 (Kaman) 日前啟程到了菲律賓為新劇《兄弟》進行外景拍攝工作。兩個人都趁空檔時在big big channel玩直播，而最新一次直播竟然是重演一次在房內捉曱甴的驚險過程，好恐怖呀！兩人都好驚曱甴，最後仲要一名男工作人員幫手捉隻曱甴先搞得掂。
Kaman個樣勁驚。
兩人講返事發的經過，首先是由Kaman發現她的床與床頭枱之間有曱甴，隨即成個人彈了到Tiffany床邊，但Tiffany又以為隻曱甴在她這邊，所以又走到去Kaman的床上，Kaman就話：「我心諗隻曱甴喺嗰邊，你跳過去做乜嘢呀？」之後就走回自己張床那邊：「我用風筒吹走咗佢，嚇死我呀！」Tiffany就話：「佢用風筒吹隻曱甴落床下面。係咪痴線㗎！佢癲㗎！」隔離房的陳庭欣仲笑Kaman話：「江嘉敏帶埋啲曱甴嚟。」
Tiffany大爆Kaman用風筒吹曱甴。
Kaman被陳庭欣話佢帶啲曱甴嚟。