【阿嬌結婚】拍拖半年即閃婚 醫生男友賴弘國:給她最大幸福

撰文:洪曉璇
出版:更新:

剛剛踏入37歲嘅阿嬌鍾欣潼,去年認戀有「台灣醫界王陽明」之稱嘅賴弘國,2月1號凌晨,阿嬌上載手戴鑽戒相,留言「這是我農曆生日最好的禮物,謝謝你的愛,下一站幸福。」宣布成為準賴太太。網友紛紛送上祝福,而賴弘國向阿嬌閃電求婚後亦公開承諾:「努力給阿嬌最大的幸福。」

阿嬌鍾欣潼2月1號凌晨,分別於IG、微博、Facebook上載相片,宣布男友賴弘國求婚成功。(鍾欣潼微博)

【阿嬌結婚】台灣醫生男友賴弘國求婚 ig曬鑽戒:下一站幸福【雙11】阿嬌IG高調曬恩愛 小鳥依人攬實男友賴弘國

去年雙11,阿嬌出道16年來首次公開主動曬幸福,於日落海景襯托之下,小鳥依人咁依偎在男友胸口,真係羨煞旁人。(鍾欣潼IG)

去年阿嬌於台灣拍攝偶像劇《動物系戀人啊》,認識有「醫界王陽明」之稱的整形醫生頼弘國,10月初發聲明公開戀情,並明言希望得到大家祝福,當時佢地已經拍拖1個多月。認愛後男方迅速被起底,年約32歲同阿嬌係姐弟戀,係一名婦產科醫生,依家喺女星陳怡蓉老公薛博仁開設嘅醫學美容診所工作,曾經喺16年結婚,不過只維持半年就宣布離婚。

雖然異地戀相處時間較少,不過佢地一有時間就會一齊旅行爭取見面機會,之前就試過一齊去跳降傘,實行You Jump I Jump。(鍾欣潼、賴弘國IG)

消息人士指出賴弘國在阿嬌生日當日求婚成功,二人都很喜歡小朋友,趕住生狗BB!就呢次閃電求婚,賴弘國回應傳媒時表示:「我不是藝人,希望低調,但會努力作好自己的事業,給阿嬌最大的幸福,也希望大家能給予祝福。」

個個都拍拖,原來個個真係想拍拖,同結婚。(鍾欣潼微博)
阿嬌曾經喺訪問中講過,希望可以喺40歲前生BB,依家37歲仲有3年,生兩個應該問題不大。(鍾欣潼微博)
+3