【後生仔傾吓偈】馮盈盈為haters和fans化干戈：成功完成港姐使命
撰文：黃梓恒
出版：更新：
《後生仔傾吓偈》上集講到一班主持人和KOL自己的追星對象，今集就轉為講自己的粉絲們。嘉賓林穎彤表示曾經有粉絲憐憫自己角色的遭遇，竟然送錢俾佢作安慰，另一位嘉賓伍富橋則試過遇上粉絲希望收購自己著過的底褲，KOL阿楓更試過被問陪食一餐飯要幾錢，現在的粉絲真是好瘋狂。
睇嚟阿楓都有啲潛質。（電視畫面）
【後生仔傾吓偈】馮盈盈係Super Junior忠粉 成員藝聲阿媽都認得
【後生仔傾吓偈】大談帶異性回家經歷 馮盈盈：男友飲完酒再過夜
當然，大家睇《後生仔傾吓偈》，最緊要聽聽馮盈盈有咩偉論，今次她都沒有令大家失望，講了一個關於自己的憎恨者(hater)和粉絲的故事，她說：「我有一班好忠心嘅haters，佢哋好堅持喺每一個post都會留啲攻擊性留言，我永遠唔會刪除，由佢放喺度，但擺擺吓就會引嚟一啲支持嘅粉絲惹起罵戰。有一次我睡醒突然見到個post多咗幾十個留言，原來係個hater同個粉絲開展緊罵戰，個粉絲緊係好用心維護我，但係個hater竟然話見佢咁有心同佢罵戰，決定而家開始支持馮盈盈，做個好朋友喇。之後佢哋就話好開心識到朋友，以後和和氣氣，我覺得自己成功完成咗港姐嘅使命，就係希望世界和平。」
盈盈話一定要分享呢件趣聞。（電視畫面）