娛樂圈女星近年紛紛將機場當成時裝舞台，每次出入都打扮到鬼咁靚，之不過，有時扮得太靚都未必係好事，就好似伊能靜咁，日前佢以一身復古打扮，黃色針織上衣搭配金光閃閃的百摺裙，再加一對金色高跟鞋同埋品牌Logo印花絲襪，如果要形容的話，怕且都絕非雍容華貴4個字。

一身娘味打扮，加上濃艷妝容，而且少不免P吓圖，唔少網友睇相之後，都紛紛問：「這誰？」有人估係鄭爽同陳喬恩，甚至係范冰冰，直到開估係伊能靜之後，「感覺像是換臉了」、「P得不像真人，這得扣錢了」嘅留言大批湧現，單係睇留言都可以笑半日。