【情人節】鄺潔楹錫住男友荷包：最怕要喺呢啲節日使咁多錢
撰文：張嘉敏
出版：更新：
今日係情人節，在這個情侶最重視的日子，各位男朋友要識做喇，送花可能是最多人做的指定動作。究竟係咪係女仔都要在情人節收花呢？新一代宅男女神鄺潔楹 (Judy) 今日以新丁身份正式加入無綫節目《學是學非》，仲收到公司送的道具花。問到Judy情人節需唔需要收花，她說：「我唔係特別喜好花，所以係唔需要嘅，有就當係bonus，咁如果收到都會開心，以前都有收過。」原來她不需要男友在節人節送花，仲係因為錫住對方個荷包：「最怕要喺呢啲節日使咁多錢，兩個人一齊應該係大家互相錫住對方㗎嘛，佢使錢我都會肉赤。」
鄺潔楹話情人節唔使男朋友送花。（梁碧玲攝）
Judy話自己最想收到的情人節禮物是男朋友親手做嘅嘢：「例如佢親手煮餐飯畀我食，親手整啲小手作畀我，會開心過收花，除非啲花係佢親手種啦，咁就無敵。情人節買花特別貴，而且都好唔環保，啲花好快死，得個樣，唔永恆嘅，反而膠花我都ok，最緊要係份心意，一齊享受下二人世界就得。」
+8
Judy最想男友親手整嘢畀佢，得送花其實都好唔環保。（梁碧玲攝）
而她最難忘的情人節是在美國讀書時，身在香港的男朋友越洋送禮物給她：「嗰時係Long Distance，佢一直都唔知我住喺邊，因為佢從來都無問過我，點知原來佢偷偷問咗我哥我嘅地址，喺情人節send份禮物嚟。當接待處通知我有禮物收時，我仲以為係其他追求者，原來係佢送嘅，都好驚喜。」
Judy同所有女仔一樣都鍾意驚喜。（梁碧玲攝）