胡蓓蔚單立文婚姻美滿:將所有功勞歸於豹哥

撰文:冼燕珊
出版:更新:

「我哋嘅婚姻之所以咁成功,我要將所有功勞歸於我老公。」豹嫂胡蓓蔚(Paisley)說:,因為佢真係非常遷就我,我原本唔係好覺,係我啲姊妹話我知的,定欣有一次話我:『其實最幸福係你,你老公唔係愛你,直頭係縱容你。』俾佢哋講講吓我先知,原來自己身在福中不知福,我老公真係對我好好。」

胡蓓蔚單立文21年愛情路 始於豹嫂主動出擊:成日借故上佢屋企

豹嫂說和豹哥的婚姻之成以如此成功,要將功勞全歸於老公。(IG圖片)

如何好法呢?Paisley說豹哥給予她極大的自由:「我老公俾好多空間我,從來唔會干涉對方,唔會管我去邊,唔會管我著咩衫,唔會管我同邊個出街,俾我200%嘅自由,我喜歡點就點。」當一方給予對方極大自由的時候,Paisley沒有因此濫用自由,反而更主動報備自己的行踪:「我哋都會主動話俾對方知自己啲行程,所以大家都好清楚對方每日做緊乜嘢。」

Paisley說豹哥給自己200%的自由。(IG圖片)

豹哥是一個音樂人,年少時夾Band,現在也不時替節目伴奏,一個Rock友容易給人躁動的形象,但Paisley卻說兩人的婚姻很少衝突:「我哋唔嗌交,好少嗌交,我哋一齊廿幾年,嗌過幾次交而已,我哋好多時心入面有咩不滿都會照直講,我哋嘅相處方式係互窒,互相串對方嘅方式去溝通,佢成日笑我醜樣又笑我肥,我唔Care。」Paisley續說:「我雖然唔係最靚唔係最Fit,但我唔差,佢都係講吓笑姐,除非某日我真係變得好差,佢咁講我就可能介意喇。」
 

天下雖然沒有一種劃一的愛情相處公式,但兩個人擁有共同興趣,而性格卻一凹一凸,一急一緩,才能互補長短,雖然很老土,卻又是永恆的真理。

胡蓓蔚單立文拍拖11年曾是不婚主義者 因朋友一句說話結婚

場地:OM Tapas

+1