【農曆新年】馬國明狗年有冇機會再逐視帝？ 麥玲玲師傅咁樣講…
撰文：林迅景
出版：更新：
馬國明憑著《降魔的》一劇，令事業更上層樓。雖然在本年度《萬千星輝頒獎典禮》上與「最佳男主角」擦身而過，不過劇集卻已贏盡全港市民囗碑，馬明亦因而成為「民選最佳男主角」。
麥玲玲師傅話馬國明今年好高機會結婚。（林迅景攝）
馬國明於《降魔的》表現出色，大受歡迎人氣急升。
有見及此，《香港01》亦都搵咗日前出席TVB賀年節目的麥玲玲師傅「贈兩句」。她表示：「馬國明本身就木比較強啲，今年行財運機會亦比較高，以佢命格嚟講這一兩年都有新突破，事業運都係好嘅。但係攞獎運佢有時又係爭啲啲，都係睇對手。攞獎好似考試咁樣，有啲人平時準備得好好，但係考試就會『甩碌』；有啲人讀書麻麻哋，但係次次考好得。所以都係要睇返嗰年嘅對手，就算你嗰年做得好好，但係對手運勢好強勁嘅話，都係難贏㗎。」
雖然麥玲玲就話馬國明來年攞獎機會也只是一半半，不過有失就必有得，事關玲玲師傅話來年馬國明感情運會唔錯添。「馬國明打後兩年感情運都唔錯，如果希望結婚，狗年同豬年係好高機會。」咦？今年係狗年喎…唔通馬國眀同黃心穎會拉埋天窗？