【農曆新年】黃心穎唔同馬國明屋企拜年:唔想好似見家長咁樣

撰文:林迅景
出版:更新:
黃心穎好鍾意一家人一齊食年糕,好溫馨嘅感覺。(梁碧玲攝)

農曆新年的節目就是拜年,相信大家對此也會不以為意。不過過年這段時間對於大人來說卻是彌足珍貴,因為可以在長久而繁忙沒日沒夜的工作之中放假與家人相聚共度時光。

黃心穎接受《香港01》訪問時說:「農曆新年會放三日假。初一做完個show要同爹哋媽咪拜年,主要係好期待食年糕。之後就要返鄉下惠州同親戚朋友拜年,其實過年好似仲忙過返工。每一年都會返去探婆婆,嗰度有好多人,所以係可以逗到好多利是,去幫補一下我封咗嘅利是,哈哈。」

不過點解會期待食年糕呢?黃心穎說:「年糕蘿蔔糕新年先有得食,主要係好鍾意返到屋企爹哋媽咪會煎年糕俾我哋食嗰種溫馨嘅感覺,每一年都會咁樣。我哋會為買張麻雀枱度食年糕。(爸爸媽媽一齊煎年糕?)媽咪負責煎,爹哋就負責派利是,哈哈。」

睇吓黃心穎自己影嘅呢張相就知。(Instagram圖片)

其實黃心穎與馬國明拍拖已經有一段頗時間。咁馬國明呢,過年唔係應該要去佢屋企拜年㗎咩?黃心穎説:「唔知有冇時間,因為初三之後就要開工。其實都撞唔啱時間,我唔想特登去佢屋企拜年,好似見家長咁樣。(咁咪少咗佢爸爸媽媽封利是囉?)咁佢(馬國明)可以幫我攞嘅。(馬國明會唔會調返轉去你屋企拜年?)唔知喎睇下佢有冇提出啦,我哋都未約好時間。因為我爸爸媽媽呢個新年都未必長留喺香港,所以真係要夾啱時間。」

都估到馬明一定揀心穎。 (梁碧玲攝)