何猷啟送女友超大粒鑽戒　疑似求婚成功「She said yes」

一踏入狗年嘅第二日，又傳來一件喜事呀！講嘅就係賭王嘅仔仔何猷啟今午在微博上上載一張女友無名指戴住鑽戒嘅相片，仲留言話，「She said yes」之後仲加上愛心emoji，疑似是求婚成功，有不少網友都話猷啟大個仔，紛紛送上祝福。

其實去年5月猷啟才與以色列籍女模Angelika分手，其後就專心替母親陳婉珍打理內地生意，並指是長駐內地關係，從而認識內地女友。正所謂Long D唔容易呀，所以猷啟就在去年平安夜同樣在微博上公開戀情，擺明派定心丸俾女友。而他其後接受訪問時亦透露覺得關係穩定才公開。估唔到短短兩個月就話求婚成功，果然厲害，之後他接受傳媒訪問則指今年是新一頁，相信到時婚宴都係大搞喇！