洪天明依然keep住童顏 5歲謝霆鋒唱歌無甩beat
撰文：溫菁莉
出版：更新：
正式宣佈2018年會全面回歸樂壇嘅謝霆鋒，昨日就facebook內上載一張著住紅色外套嘅佢，只係留言講一句話「恭喜發財！」但都吸引不少粉絲like。昨天Big Big Channel就上載了一段謝霆鋒同妹妹謝婷婷，以及有最鋒利嘅刀係唔會生銹嘅姜大衛大女姜依蘭和洪天明，係1985年中賀年節目中唱歌的短片到網上。重點係洪天明嘅聲音同而家完全無變過，而當年只有5歲嘅謝霆鋒對鏡頭一啲都唔陌生，簡直係天生要做呢行！！
洪天明無論係個樣定聲音完全無變過！
其中主持人就問到一班小朋友覺得自己似爸爸定媽咪？把聲勁得意嘅謝霆鋒會話，「我似媽咪咯，我又係瘦，我媽咪又係細粒粒」而婷婷就話自己似爸爸！其後，主持人再問如果爸爸唔係明星嘅話，希望佢職業係咩呢？謝霆鋒首先好型咁話，「可唔可以俾我諗一陣先」婷婷則表示：「我最鍾意爸爸食瓜子」果然童言無忌！
+6
好癲呀，點解可以無變過？
最後一班小朋友仲獻唱哥哥張國榮經典金曲《Monica》賀年版，霆鋒雖然人仔細細但完全無甩beat，所以唱歌呢家嘢真係要由細訓練！
佢地仲唱賀年版《Monica》！