【黃昏戀】吳香倫幸福含淚拍婚照 陳榮峻:繼續做你嘅人肉鬧鐘

撰文:洪曉璇
出版:更新:
兩個人嘅眼中就只剩下對方,洋溢幸福感覺。(田蕊妮Facebook)
+3

一對情侶能夠攜手走進婚姻,除咗要相愛,其實仲面對住重重困難,年輕人可能面對金錢住屋問題,上咗年紀嘅戀人一樣面對雙方家人嘅壓力。由田蕊妮主持嘅《1+1的深情》,最新一集搵來陳榮峻吳香倫擔任嘉賓,仲搵來陳榮峻囝囝以及吳媽媽驚喜現身,令呢對準新人感動落淚。

陳榮峻親口提親,能夠得到吳媽媽親口答允女兒下嫁,絕對係最好嘅祝福。(影片截圖)

【情人節】袁文傑拍拖七年霸氣第一次送花 女友張潔蓮感動到喊

陳榮峻同吳香倫嘅相處好似學生時代嘅戀愛一樣,好真摰好可愛,令人會心微笑。(影片截圖)

2017年12月8日TVB盆菜宴上,62歲嘅金牌綠葉陳榮峻當住2000人面前,下跪向拍拖3年,現年57歲嘅女友吳香倫求婚。呢段黃昏戀能夠開花結果令唔少人都相當感動。節目中回想起佢地第一次見面,原來係2011年劇集《怒火街頭》中飾演根叔根嬸,田蕊妮取出電腦播放當年嘅片段:「你一定要講真話,我地先可以繼續做到夫妻。」吳香倫喺戲中嘅呢段對白,就好似佢兩個真實寫照一樣。

陳榮峻吳香倫於2011年劇集《怒火街頭》中首次見面,估唔到當時對白套用落佢地真實人生一樣適用。(影片截圖)

62歲金牌綠葉陳榮峻向吳香倫求婚 2000人見證:好希望佢能夠開心62歲金牌綠葉陳榮峻與吳香倫相戀  黃昏戀好pure:想畀個名份佢

睇返當日初相識嘅一場戲,吳香倫都感觸良多。(影片截圖)

佢地兩個嘅相處,就好似學生puppy love一樣,陳榮峻會整蠱對方話係吳香倫做主動約佢去唱K,田蕊妮問到底點樣正式喺埋一齊時,又會話:「做戲都有做啦,過馬路借頭借路拖手仔,無俾人Fing開咪即係接受咗囉。」節目中搵嚟幫手策劃求婚嘅黃翠如,原來佢成日都向陳榮峻施加壓力,叫佢快啲向Helen求婚,「我呢啲老嘢求咩婚呀?」「你唔求婚鬼嫁你呀?咁你想同佢一世嗰個想你求婚呀嘛。」結果就成就出盆菜宴下跪一幕。

陳榮峻仲曾經同Helen以及仔女一齊去旅行,出發前兒子阿聰更主動問會唔會求婚,係嘅話可以幫手拍片。(資料圖片)

人生匆匆數十載,能夠去到臨近退休年齡覓得真愛實在唔容易。節目中陳榮峻同囝囝阿聰一齊接受訪問,講到當日展開追求前,陳榮峻拎住幅相問囝囝意見,阿聰坦言當時有點嚇親:「嗰下打個突好愕然,媽咪走左唔係好耐,但之後諗返其實都走咗三四年,自己都成日諗爸爸係咪應該搵返個伴,妹妹曾經私下話感覺上好似對媽媽不忠,但我就覺得媽咪人都走咗,佢都會想爸爸開心。」

阿聰提起媽媽當年過身後情況,陳榮峻都忍唔住落淚。(影片截圖)

其後阿聰更親自向吳香倫道謝:「媽媽剛走咗嗰段時間爸爸真係好崩潰,甚至曾經諗過自殺,所以多謝你,多謝你救返佢,呢件事真係衷心多謝你,陪伴佢行下半生。」田蕊妮亦讀出陳榮峻囡囡嘅親筆信,能夠得到家人祝福,令陳榮峻吳香倫都感動落淚。

阿聰親自向吳香倫道謝,感激佢陪伴爸爸度過餘生。(影片截圖)
+7