【網戰】無綫借招積氣勢推2年前舊作 張建聲:估唔到TVB會見到我

撰文:黃梓恒
出版:更新:

《網戰》這套由BigBigChannel首部拍攝的網劇突破於昨日晚上在J2台播出,事前廣告欠奉,甚至大家連演員有咩人都唔清楚。這部有接近一小時的網劇,算是一部短篇電影,拍攝於兩年前,一直都未在任何平台播放過,甚至有人以為會永不出街。雖然是BigBigChannel製作,但據知很多幕後的人員都不是TVB人,連演員都有非TVB份子,例如張建聲和吳海昕。

兩個男女主張在TVB官網反而無名。(電視畫面)

這部劇主要講述網絡趨勢,大家對網絡愈來愈依賴,而楊潮凱這個算是這部劇的男二,他是一個網絡組織的主管,專門在網上製造輿論。而另一個和他打頭對的便是張建聲,在劇中就是男一,劇份也頗多,但連演員名單卻沒有了他的名字,連女主角之一的吳海昕也一樣消失不見。道理很簡單,就是因為他們不是TVB的人,所以連演員名單內也要消失,不少網民話TVB這樣做似乎有不尊重演員之嫌,不過好彩在預告內有他們的名字。

其實落個名唔難呀?(網上圖片)

乘著近來「招積」這個勢頭,張建聲可說是愈來愈紅,不少電影都開始有多戲份的角色給他,TVB今次可以藉著他的名字去吸引觀眾,可惜連個名都沒有。張建聲在其Facebook上表示:「大家係咪估唔到喺TVB會見到我嘅演出作品呢?其實這部《網戰》係兩年前嘅作品,導演及台前幕後都是由一班熱血青年執行,本來都唸住部戲因某啲原因出唔到街,但幾日前導演通知先知道今晚大年初三(星期日)晚上11點05分 J2台終於有得睇,不枉大家辛苦拍攝出嚟嘅心血結晶終於見街啦,希望各位多多支持啦」連佢自己可能都估唔到TVB會播,一個角色名出唔出,可能對佢都唔重要喇!

預告片尾係有佢哋個名!(網上圖片)

一齊睇吓吳海昕幾靚女喇!

+6