一人一句聽過最mean嘅說話 Donald：嘩，佢真人都幾高吖！
撰文：溫菁莉
出版：更新：
農曆新年期間大家一定聽了不少好意頭的祝賀說話，I Love You Boyz成員Donald同少爺占就最鍾意聽到人祝他們身體健康，雖然老土但真係最緊要。近排好說話就聽得多，不過平時日常生活中總會試過聽到一些難聽的說話，令人特別難受，有網民就熱烈討論人生至今聽過最mean的一句說話，Donald同少爺占當然都有聽過啦。
艾粒嘅Donald同少爺占最鍾意人祝佢哋身體健康。（梁碧玲攝）
Donald想也不想就說：「嘩，佢真人都幾高吖！呢句說話完全係擊中我要害，好hurt。我曾經有一段時間好介意自己嘅身高，有去過歐洲搵方法增高，無奈都係無辦法。不過依家有啲app影相可以增高，亦有朋友話我高唔好睇，令我有返晒自信。」而少爺占就話：「喺街撞到人同我影完相之後，佢問隔籬個fd影唔影，對方話『唔影』，成日都遇到呢啲情況囉。其實唔好問啦，唔好製造尷尬情況吖嘛。人哋要影自己會出聲。」
相關文章：
Donald唔鍾意聽到人話：「嘩，佢真人都幾高吖。」
提到驚蟄將至，兩人會否去請人打小人，Donald說：「唔會，我去打小人咪自己都係小人？小人呢啲嘢避唔到嘅，打完小人佢咪又係喺度。」少爺占即望住Donald笑言：「我身邊都有一個小人啦，都十幾廿年喇。」他亦指自己唔會搵人打小人：「鵝頸橋泊車難，我又驚打小人係海鮮價，搞咁多嘢不如直接搵人打佢好過啦。」
少爺占講笑話搵人打小人不如直接搵人打嗰個人。（梁碧玲攝）