暗黑系胡楓你睇過未 演渣男一樣勁入戲：唔會介意網友點樣講
撰文：溫菁莉
出版：更新：
縱橫影視圈65年，拍過375部電影、84部電視劇的胡楓（修哥），年屆86歲嘅修哥新年前更在紅館開演唱會！而日前Facebook專頁「港產片共享團」，就上載了修哥1994年在電影《性事奇趣錄之閹夫》演出的部分，網友睇完後就留言表示，「咁邪惡既修哥，第一次見」，修哥因而得到一個新稱號叫「暗黑胡楓」。對於網友的搞笑留言，修哥接受《香港01》訪問時就直言，「唔記得拍過呢部戲，我無咩印象。」
近日有網友上載修哥1994年在電影《性事奇趣錄之閹夫》演出的部分，仲有新稱號「暗黑胡楓」。
+4
講返套電影，戲中講述他就帶其中一位女主角到廢車場「霸王硬上弓」，其後被老婆知道後更遭對方「閹」，真係隔住個Mon都覺得痛。在訪問過程中，修哥就反問記者電影中其他演員的名字，當記者講出戲名後，修哥都係個句，「我真係無印象，我拍過過百套電影，飾演正面同負面角色都在所難免，所以唔會介意網友點樣講。」
睇完海報上面16個字後，大家係咪好想睇呢？！(網上圖片)
講返電影女主角陳穎芝，1989年參選亞洲小姐，落選後就簽約亞視成為藝員，更是亞視力捧的明日之星。她憑甜美外貌曾俘虜不少少男，可惜92年走上當時流行的三級路，一年內拍了超過十部三級片。在95年嫁髮型師男友，育有一子。
陳穎芝係95年嘅時候下嫁髮型師，仲有個仔仔。