易烊千璽@TFBOYS同5萬人爭入中央戲劇學院　 即場卸妝證明無添加

章子怡、鄧超、湯唯等人曾就讀的中央戲劇學院，近日開始招生，原定收生598人，結果有近5萬人報考，最熱門嘅表演系，平均388人才錄取一個，競爭率非常之高。而通過第一輪面試的小鮮肉，包括吳磊、宋威龍以及TFBOYS成員易烊千璽，呢幾日亦紛紛現身學校進行第二輪面試。

話晒都係國內數一數二嘅學府，面試主要分兩部分，除即場朗誦詩歌之外，考生亦需於3至5分鐘內進行即興表演如唱歌或形體表演，而在過程中，表情太僵硬者都即時出局，而為公平起見，所有考生均需素顏上陣，重點係老師會親自幫所有考生御妝。初試時以朗誦詩歌《穿褲子的雲》成功通關的易烊千璽，呢日進行第二輪面試時，在門外亦被要求卸妝，幸好呢位後生仔都算皮光肉滑。不過有媒體問到易烊千璽對第二輪面試有無信心時，佢就未有回答。