【果欄中的江湖大嫂．多圖】岑麗香學識果欄語 「月生水」係點解
撰文：林迅景
出版：更新：
香香今日宣傳活動真係好靚吖。
《果欄中的江湖大嫂》係咪好期待呢？今次劇集講述一班女強人在果欄中的𡚒鬥，其中亮點就梗係劇中豪氣萬丈嘅女演員啦。飾演果欄欄主「小巴」的岑麗香拍劇之餘，仲偷師學咗啲果欄小知識。
岑麗香接受《香港01》訪問時說：「可能好多人都聽過或者去過幾次果欄，但係當你了解多少少，你會發覺佢哋有自己嘅溝通技巧。譬如，果欄每一檔都有自己賣嘅生果，但係佢都會同其他檔競爭。所以每一檔嘅員工，佢哋都有自己嘅暗號。例如數目1就代表月字，5就代表生，0就係水。所以要講150，佢哋就會『月生水』咁嗌出去。每一檔又有唔同暗語。咁佢同自己客嘅暗語就只有自己檔口同客知道。」
其實今次劇集制作都非常認真，除了道具佈景方面，果欄中的微細事都有跟足。來自外國的香香更為了飾演小學老師的角色，專門練習自己的中文咬字發聲。香香更透露了拍劇時的一件趣事。「劇入面我係小學老師，我嘅中文應該係比一齊拍劇嘅小朋友叻好多嘅。但係現實中我同一個小學生比較，佢哋分分鐘叻過我。所以我講對白NG嘅時候，佢哋會覺得好好笑。例如有啲對白我講錯咗，佢哋就會教返我轉頭。」
唔好睇少香香，佢仲可以一腳「劈」開個菠蘿。
+5