失婚裕美孖外籍男友放閃:你的微笑就像交響樂的燈光

撰文:鄺鈺瑩
出版:更新:
Alex話晒都係外語學校嘅創辦人,大家如果想冧女的話,不妨參考其ig的語句。(網上圖片)

04年以港日混血兒之名出道嘅裕美,入行多年,最經典的並不是她的作品(因為無),而係早年與無綫小生黃子恆搞婚外情,最後連頭家都無埋,要搬返公屋同阿媽住。不過,失婚嘅裕美,其感情世界並未有受到影響,去年在朋友介紹下,火速與男友Alex搭上,身為外語學校創辦人的Alex家住半山豪宅,身家有返咁上下,同裕美一齊之後,二人已先後去過越南、墨西哥旅行。

裕美閒時拍下劇以及出席品牌活動,收入有限,但有富貴男友照顧,做唔做都無咩所謂。(資料圖片)

在二人共同開設的ig上,Alex除以amazing girl大讚裕美之外,又以「心靈相通」、「同你一齊每一刻都是賜予的禮物」形容他們的關係,而裕美的甜蜜程度,亦與男友不遑多讓,其中一句「你的微笑就像交響樂的燈光」,係咪殺死人唔使本?二人感情持續升溫,會唔會去到閃婚呢一環呢?裕美就話之前已經試過結婚,所以現階段唔會為結婚而結婚。

裕美出道時因包面而被指似戴夢夢,但隨着女大十八變,包面近年已消失不見。(網上圖片)
+1