裕美婚姻失敗仍追求愛情 同外藉男友好sweet:佢可以lead到我

撰文:張嘉敏
出版:更新:
裕美讚現任男友Alex教識佢好多嘢。(張嘉敏攝)

裕美自去年與外藉男友Alex拍拖後,不時在Ig放閃晒恩愛,又大方承認戀情,同男友愛得甜蜜,今日她出席活動時就透露自己近期正籌備搞business,男友給予了她很多意見。由於忙住工作,她仍未有時間陪男友返意大利見對方的家人。裕美說:「正所謂萬事起頭難,呢排真係好忙,詳情要遲啲先可以公布。今次係突然有咁嘅機緣,會同人合作搞啲生意。」

她又大讚男友在她的新計劃上幫了她很多:「可能今次我決定start up business都係因為佢畀咗好多意見我,佢擅長做生意管理方面嘅嘢,自己唔叻,從未做過生意。」不過她卻不會同男友一齊partner:「各有各圈子好重要,一齊做生意怕有拗撬,驚大家做嘢方向唔同,工作上分開會好啲。」

裕美坦言男友知道她離過婚,對方愛她當然也不會介意她的過去。雖然曾經經歷婚姻失敗,但她並沒有因此而對愛情失去信心,也沒有留下陰影:「過去嘅事可以當係一個學習,人生有高低起伏,要從經驗中學習同成長。」至於同港男拍拖跟同外藉男拍拖有咩唔同,裕美說:「都係人嘅問題,無話咩國家咩國籍,不過覺得外國男人真係gentleman啲。」至於最鍾意男友甚麼,她說:「佢好欣賞我,大家都互相欣賞對方,呢樣好緊要。佢比較成熟,教我好多嘢,可以lead到我,做我嘅leader,我願意做佢嘅helper,甘心做個小女人。」

裕美話同男友未有結婚打算。(網上圖片)
佢唔介意做小女人。(張嘉敏攝)