奧斯卡影后姬蒂白蘭芝爭住做 5000蚊一次「陽具Facial」
撰文：陳穎思
出版：更新：
唔好俾個名嚇親，所謂「陽具Facial」，只是一種與精液味相似的面膜，根據金像影后姬蒂白蘭芝（Cate Blanchett）所述，她跟《盜海豪情：8美千嬌（暫譯）》（Ocean's 8）拍檔珊迪娜布洛（Sandra Bullock）在紐約去同一間美容院做Facial，經店長推介進行一種特別護理，不過因為味道怪怪哋，珊迪娜就稱呼這種美容護理做「陽具Facial」（Penis Facial）。
珊迪娜（左一）與姬蒂（左二）拍攝《盜海豪情：8美千嬌》時相約做Facial，前者介紹「陽具Facial」給後者。
「我唔知係咩唻，或者因為聞落有啲似精液，而成份有酶，所以珊迪娜就叫佢做陽具Facial。」姬蒂班查解釋。究竟呢款Facial有什麼特別功效吸引到兩大影后幫襯？有外國媒體訪問了該美容院老闆娘，她表示這種Facial加入蘊含表皮生長因子（Epidermal Growth Factor）的血清，女士做完之後會變得皮光肉滑。
今年踏入54歲的珊迪娜，花盡心思去保養皮膚。
而叫「陽具Facial」其實亦不為過，事關這種血清由男嬰包皮中提煉出來，美容院院長仲話係韓國男嬰的包皮，從中採集有助於產生膠原蛋白和彈性蛋白的纖維細胞，使用這種血清可增亮和再生肌膚。如此精鍊而成的Facial，每次叫價650美元（約5000港元），珊迪娜試用完覺得好就推介給姬蒂，而現在經姬蒂加持後，吸引大批女士慕名一試。