【影視博覽】打爛老公杜汶澤獎座 田蕊妮勁內疚:我爭啲想爆喊

撰文:溫菁莉
出版:更新:

《香港影視娛樂博覽》今早於會展開鑼,大家除了關注來年會有甚麼電影上映之外,其實電視業都有好多計畫。就好似TVB咁,這兩天都有多個記者會進行,第一擊就是myTV SUPER話咁快就已經踏入兩週年,特別邀請到田蕊妮、李施嬅及陳凱琳等人現身支持。

田蕊妮、李施嬅及陳凱琳等人現身支持myTV SUPER 踏入兩週年活動。(黃國立攝)

講到田蕊妮就一定要提到,佢日前唔小心打爛老公杜汶澤在「大阪亞洲電影節」中奪得的「亞洲明星大獎」獎座,她接受《香港01》訪問時就直言去到呢一刻都好內疚,之後就「還原」整個事件,「個日拎完獎,我地成班就去燒肉店慶祝,餐廳老闆話想拎埋個獎影相,我一拎個下就唔小心跣手。」阿田講返起件事都好無奈,「我個下係尖叫,成個團隊都靜晒,我爭啲想爆喊。但老公就同我講唔洗喊,係咁安慰我。團隊都有諗過不如叫大會補一個俾佢,但阿澤就話唔洗咁麻煩。」

阿田接受訪問時就仍然感到好內疚。(黃國立攝)

阿田指返到香港真係有考慮過用強力膠將獎座痴返好佢,但阿澤就拒絕阿田嘅好意,「佢同我講都係一個回憶嚟,叫我唔好痴。」她笑言之後唔敢再幫阿澤拎啲獎座,以免悲劇又重現。

阿田話唔敢再幫阿澤拎啲獎座,以免悲劇又重現。(黃國立攝)