《棟仁的時光》宣傳玩接吻 袁偉豪堅咀唐詩詠：劇入面我專錫男人
撰文：林通賢
出版：更新：
近百藝員及高層出席無綫「晒冷」活動，每套劇的主要演員都有大約一分鐘介紹，兩個鐘內走馬登式宣傳，想令人有印象真係難，但咁多套劇，要數最搶鏡的一定是《棟仁的時光》，事關兩位主角袁偉豪、唐詩詠，在現場真咀，唔係借位，即使袁偉豪女友張寶兒在場，他亦無有怕。
好似調戲呀！（溫菁莉攝）
袁偉豪表示咀唐詩詠沒有什麼大不了，因為劇中他瘋狂咀男人，他說：「呢套劇我要咀人先可以偷到對方嘅時間俾自己，所以我喺套劇鍚咗超過10個男人，林子善、胡鴻鈞等，好多都俾我咀過，（有冇NG?）唔好喇啩？我真係咀對咀咁鍚落去架，我都好尷尬、有啲訓練班同學一出嚟就俾我鍚，我見到佢哋個樣好驚，我都覺得幾辛苦，仲辛苦過拍《城寨英雄》哈哈。」
袁偉豪企好中間。（溫菁莉攝）