【影視博覽】佘詩曼相隔7年再拍清裝劇 TVB奪《延禧攻略》版權

撰文:蘇國豪
出版:更新:

第14屆《香港影視博覽會》在會展舉行,來自世界各地的影視娛樂包羅萬有,今年內地方面更係歷年之最,推出的偶像劇、古裝劇、網劇等都吸引不少海內外媒體人士注意,相當豐富!

有留意內地劇的都知道,內地拍古裝劇相當細膩,在服飾上完全跟足歷史,改編亦大多跟返原著。就好似拍緊由趙麗穎、馮昭峰主演的新劇《知否知否應是綠肥紅瘦》,在今次展覽中更事先將劇中場景搬到香港會展,更大方展示劇中戲服,唔講唔知這一些道具在開拍前半年至一年時間籌備,相當認真。

《延禧攻略》TVB率先買了版權。(溫菁莉攝)

除此之外,去年相當令人關注,由金牌編劇于正製作的清裝劇《延禧攻略》,劇集還未播出街已經在網路上引起話題,其中就是佘詩曼相隔7年再演清裝劇,最有話題性。

佘詩曼事隔7年再演古裝無得做女一 靠邊企氣場力壓內地鮮肉女星

余詩曼相隔7年再接拍清裝劇,單睇這張劇照已叫人十分期待。(資料圖片)

而呢部劇仲未播出,根據現場發行方人士表示,香港無綫方面已經率先買入版權,看來相當睇好呢部劇。或許是睇中佘詩曼在香港有口碑,買來收費台播一定吸引不少觀眾。

另外,另一部古裝劇《東宮》卡士亦相當厲害,除了有人氣小鮮肉陳星旭、魏千翔主演之外,斯琴高娃、羅嘉良、楊恭如更傾力加盟,據知該劇吸引不少人睇好,在網絡上都引起關注。

《東宮》羅嘉良、楊恭如有份出演。(溫菁莉攝)