姜皓文演跨性別人士 感謝老婆包容：大膽到偷老婆底褲著
撰文：陳栢宇
出版：更新：
TVB嚟緊除咗有《白色強人》、《多功能老婆》、《法證先鋒IV》等新劇，更加有同內地媒體合作拍攝嘅《宮心計2深宮計》、《鐵探》、《再創世紀》同《衝上雲霄2020》，相信觀眾都繼續好似依家咁目不暇給，當中嘅《鐵探》更請到惠英紅同姜皓文（黑仔）兩大好戲外援幫手演出，令觀眾好期待。
姜皓文以外援身份為TVB拍攝新劇《鐵探》，更擔任第二男主角。（梁碧玲攝）
首次拍無綫劇嘅黑仔今日就有出席無綫搞嘅發布會，佢接受《香港01》訪問時就指自己感受好深：「好大感受，始終係第一次。其實真係好想『入屋』，因為電視同電影真係兩班觀眾嚟，我入油、坐的士時，啲人就會問我幾時有嘢拍，我話我拍緊戲呀，佢哋就話不如拍下劇，所以都想照顧埋呢班觀眾。」
黑仔好想照顧埋比較少入場睇戲嘅觀眾，所以接拍無綫劇集。（梁碧玲攝）
問有冇擔心過拍TVB劇會好辛苦？黑仔都認為拍劇會趕啲：「但係享受時間又會長啲，我預咗辛苦，因為依家拍戲都唔係話好舒服。」身為第二男主角的黑仔在戲中就飾演一個亦正亦邪的探員，在家庭、工作上都有好慘的經歷：「呢啲角色真係冇試過！」
黑仔唔擔心拍劇會辛苦，仲話好想試下新劇嘅亦正亦邪角色。（梁碧玲攝）
提到《鐵探》中Man爆的黑仔在新戲《翠絲》中卻是跨性別人士，他坦言有擔心過海報太Over：「我初頭好抗拒，但同完啲同事以及跨性別人士傾偈後，個想法就唔同咗，因為每一個跨性別人士背後都有好辛酸嘅故事。」
至於老婆點睇佢拍呢套戲？黑仔就話對方好遷就他，知到他拍這套戲好大壓力，畀好多私人時間同空間佢：「有一期好鍾意剃腳毛滑溜嘅感覺，甚至大膽到偷老婆底褲著，會著透視衫落街買奶茶，睇下啲人點睇我，有啲人當冇嘢，有啲就以為拍嘢，又會咁著去大埔舊區畀啲阿公阿婆睇，佢哋會指指點點咁。（做男人開心啲？）都唔係，做女人好多花臣嘢，Bra、內衣又好多種。」
為咗演《翠絲》嘅跨性別人士角色，黑仔付出咗好多，佢話佢老婆其實都係。（梁碧玲攝）
+9