【美女廚房】吳雨霏鄧紫棋曾榮膺地獄廚神 多年過去有無進步？
撰文：洪曉璇
出版：更新：
隔咗9年TVB終於正式宣佈重啟《美女廚房》，當年呢個節目最高收視達42點，依家睇返轉頭真係高得好誇張。依家問大家邊個女藝人最煮得，一時三刻真係未必講得出，但問到邊個火燒廚房食到主持衝去嘔，嗰幾位地獄廚神大家印象應該更深刻。不過呢人係會進步嘅，趁新一輯節目reboot，一齊睇下幾位地獄廚神依家又煮成點。
做呢個節目主持殊不簡單，腸胃需要相當健康，因為不時會食到嘔。（影片截圖）
KARY當年煮咩餸其實已經唔係重點，放火喎……都係用電磁爐比較安全……（影片截圖）
吳雨霏
+2
當年獲-32分嘅Kary吳雨霏，雖然喺總決賽以些微比數，唔使冠名「地獄廚神」，不過上廚藝節目可以攪到火燒廚房，要工作人員拎住滅火筒衝出嚟救，呢一幕真係永留大家心中，難以磨滅。事隔多年後Kary已經做咗洪師奶，不時下廚餵飽老公個胃，上個月仲大住個肚落田收割大蘿蔔，親自下廚炒呀炒，愛心蘿蔔糕真係唔惹少。
呢個農曆新年KARY用自家種大蘿蔔，親手炒完又蒸，愛心蘿蔔糕好正呀。（吳雨霏Facebook）
當年ELLA靚女得嚟其實都幾似賢妻良母，又點估到第一輯地獄廚神會落入佢手呢。（影片截圖）
+1
就咁睇Ella其實似係識煮返兩味，點知一上節目便知龍與鳳，憑住一道「尿味瀨尿蝦」，加上生油浸熟蔗蝦，榮膺首輯《美女廚房》「地獄廚神」封號。阿媽教落做女人要入得廚房出得廳堂先嫁得出，隨住年月過去Ella都有用心鑽研廚藝。嫁人後誕下一子一女，暫時都仲係全職湊小朋友，大仔開始食嘅固體食物都由Ella親自下廚，豬肉紅蘿蔔洋蔥紅腰豆白飯、豬肉白飯香腸仔、蒸南瓜麵包，真係又睇得又食得架。
小朋友到一歲後慢慢會食固體食物，Ella相當有心機親自下廚，睇得又食得。（官恩娜Facebook）
鄧紫棋
鄧紫棋呢一道「屎味魚蛋」，真係令人難以忘懷。（影片截圖）
2009年G.E.M.上節目時只得18歲，唔識煮其實情有可原，好地地煮熟啲食材咪算囉，又要加入自己創意，整出一味「屎味魚蛋」，粉絲試食讚完好味都忍唔住衝去廁所嘔，方力申更將「G.E.M.」戲稱為「Get Everyone Moving to the trash」（讓每個人都走去垃圾桶）。雖然好有陰影〕，但G.E.M.從未放棄過煮嘢食，拍MV又住，見好姐妹又煮，走上謝霆鋒節目又一齊煮，睇落的確有板有眼咗好多，不過之前就試過炒炒下蛋攪到火警鐘狂響，唔，下次都係安全至上好啲啦。
其實G.E.M.近年成日分享下廚照到社交網站，不過比較有印象應該係佢試過火燒廚房。