【衝上雲霄2020】TVB二億人民幣落重本内地合拍 中港演員鬥演技
撰文：蘇國豪
出版：更新：
「天氣不似預期，但要走總要飛…」15年前無綫劇集《衝上雲霄》大受歡迎，引起一陣航空潮，當時更因為劇集效應而令唔少人投考空姐空少，使航空業成為唔少年輕人首選選擇。其後相隔多年添食拍《衝上雲霄2》依然受追捧，張智霖飾演的「Cool魔」更型到風魔全城。
《衝上雲霄》一直是電視友心中經典劇集。（網上圖片）
正正因為劇集題材口牌在華語電視圈一致受到好評，內地方面更相隔4年開拍，以《衝上雲霄》為藍本改編為《壯志高飛》，由鄭愷﹑陳喬恩出演，班底更係來自《衝上雲霄》的原班人馬傾力打造，以及舊有無綫的監製﹑導演負責，受到唔少人超期待。
內地版《壯志高飛》仲未播，就在會展正在舉行的影視博覽會到，無綫宣佈將開拍《衝上雲霄》第三部曲《衝上雲霄2020》，將落重本用2億人民幣打造同騰訊影業第一次合作，而且當中除了沿用香港演員之外，據知將有內地演員加入無綫有意盛邀迪麗熱巴﹑楊冪﹑黃子韜﹑陳偉霆及Angelababy等人，跨越唔同國家如加拿大、美國等地拍攝，今次仲要係採用内地A级制作規格拍攝，2億人民幣遠超過過往港劇的制作費，簡直係超巨巨巨制。
內地版《壯志高飛》（網上圖片）
《衝上雲霄2020》消息傳開後，當然主要演員亦係電視友相當關注，其中大家當然最想Sam哥吳鎮宇，睇他演技之餘更想睇到他Chok。雖然唔少電視友都好想胡杏兒﹑「Cool魔」張智霖繼續參演，不過機會就似乎唔係好高，因為胡杏兒同張智霖的公司同無綫仍存在問題中，一日未解決一日就不可能參演。
「Cool魔」張智霖﹑Sam哥吳鎮宇。（網上圖片）
講到合拍片目前就唔知香港電視友方面Like 唔Like，不過內地電視友似乎都唔捧場，皆因《衝上雲霄》是經典港劇自自然然找香港演員演就好，加入內地演員就沒有原來純港劇味道，因為大家都好擔心內地流量小生花旦的演技會毀劇「能不能不要内地明星」﹑「求别加入内地演員」﹑「變味了變味了」…連自己友都唔捧自己友，睇嚟大家對呢部劇超有期待感。