蘇打綠休團主唱有咩做? 吳青峰:趁著休假修了一下我的五官

撰文:洪曉璇
出版:更新:

3年時間話長唔長,對於蘇打綠宣布要休團時,粉絲們雖然唔捨得但都表示支持。幾位成員遊學嘅遊學,湊仔嘅湊仔。主唱青峰之前去到冰島美國旅行,又嚟香港撐老友楊丞琳,做坐上客睇演唱會。呢日青峰先後上載兩個POST,話自己執咗個樣:「趁著休假的時候我修了一下我的五官,想要以全新面貌跟你們見面。」咁咪即係整容?

呢次休息三年,吳青峰到處飛來飛去,之前嚟到香港入紅館睇楊丞琳演唱會。(吳青峰FACEBOOK)

青峰留言話:「你們說我怎樣你們都喜歡,那我就老實跟你們說了,其實趁著休假的時候我修了一下我的五官,想要以全新面貌跟你們見面,我現在長這樣,有潮~~長的鞋拔下巴,又大又白絕對可以嗑疼人的雪牙,深邃魔性到讓人墜落的雙眼,當然還有零毛孔的美肌,怎麼樣,你們喜歡我的改變嗎?」睇清楚張相,乜咁似ET嘅﹗

大眼又尖面,仲有雪白牙齒嘅青峰,大家又鍾唔鍾意?(吳青峰FACEBOOK)

其實青峰就好明顯係修圖修出嚟,雖然個樣好怪但粉絲一樣受落。青峰又上載咗幾年前廋到得40公斤嘅相片,真係人乾一樣好嚇人﹗佢仲留言話:「我的標準體重應該是要到62公斤,現在是52公斤……那些看到什麼照片都要來糾結胖瘦問題的朋友,還有說什麼瘦比較好看的人,你死心吧,哥是不打算回去了,我就是要維持現在右邊那樣喔!沒辦法我就是一個52公斤就有看似62公斤雙下巴的人類,福氣喔!」最緊要健健康康,先可以作到更多好音樂俾大家聽呀。

40KG vs 52KG嘅吳青峰,都係小肥比較健康D。(吳青峰FACEBOOK)
+1