鍾楚紅唔同任達華周潤發玩攝影：佢哋好豪㗎
撰文：朱奕錦
出版：更新：
鍾楚紅雖然息影多年，但依然備受關注。而家養尊處優的紅姑，是一個十足的攝影愛好者，還在2014年開過個人攝影展添！
鍾楚紅曾于2014年舉辦個人影展《To Hong Kong With Love》，以「自然」同「城市」為主題(視覺中國)
這日紅姑出席活動時就透露幾年前的影展是表達自己對香港的愛，因為她覺得香港有好多好靚的地方被人忽略了，同時都借這個影展讓大家見到香港環保的不足，認真有心呀！如果再影相，紅姑就話想影同泥土有關的照片：「譬如話啲動植物啦，或者係一啲我自己一路好鐘意嘅建築物啦，或者係人同建築物嗰個關係呀，咁呢啲我都會鐘意影囉，因為我好鐘意architecture。」其實要想建築物影得靚，對相機的要求都好高，而紅姑就鐘意用Hasselblad，可以高空影相不得止，就算在直升機上郁緊都影得好清楚，所以一部機就夠。
身為攝影發燒友，紅姑屋企當然有多部相機，用得最多嘅就係Hasselblad(林迅景攝)
講到圈中的攝影發燒友，相信一定少不了任達華同周潤發，但是紅姑就無同他們一齊玩：「佢哋嗰啲好豪架，佢哋嗰啲玩大機嘅，我馱都馱唔起呀，佢哋係馱著部大機，去行幾個鐘，去一個地方擺低，嚓嚓，十張相，帶底片，咁就走啦，咁冇癮嘅，我話唔得唔得，我仲有癮嘅。」所以紅姑而家去到特別的地方都會帶著部相機，去記錄她想留低的事物，不知道紅姑什麼時候會再開個影展呢？
紅姑表示冇同華哥、發哥一齊玩攝影，佢都想慢慢享受影相嘅過程(林迅景攝)