【金像獎2018】劉德華古天樂影帝「前哨戰」 華仔：我真係恭喜佢
撰文：林迅景
出版：更新：
唔知今年影帝會係劉德華定古天樂呢？（林迅景攝）
屈指一算，其實「四大天王」已經有25年歷史。2017年4月之後郭富城結婚生女之後，4位「四大天王」都已經晉升成為人父。今日劉德華出席「UNICEF HK」「細路愛玩營」時接受傳媒訪問。提到最近被拍得一家三口的照片時，被問到會唔會因此而放寬讓女兒增加曝光，他說：「一路作風，都唔會改變。」
劉德華套《拆彈專家》其實都唔錯。（林迅景攝）
談到4位天王都已是人父時，他說：「大家都變咗另一個層次，都幾安慰。」及後被追問會否與其他3位天王相聚分享「育兒心得」，華仔就回答說：「4個同台唱歌都難安排啦。因為我覺得喺我成個人生入面，都成廿幾卅年，其實都係一班好朋友，希望未來日子可以一齊分享下。（有咩心得可以分享？）都係錢啦，見面先講。」
而金像獎又即將來臨，問起華仔的心情如何，他說：「都係咁啦。任何一個朋友攞我都開心，亦都知道會為香港電影再推動少少。唔好理邊個攞，都首先恭喜咗先。（古仔已經攞咗3個影帝喎）我真係恭喜佢吖，如果可以連中4元嘅話，亦都係我心入面嘅貼士。」