麥明詩旅行大派福利 半夜晒三點式出水芙蓉照
撰文：冼燕珊
出版：更新：
麥明詩（Louisa）最近放假，去咗蘇梅島玩，去chill點少得喺IG打卡，佢喺IG Po咗兩條短片，其中一條半夜出Po，係佢夜晚喺泳池著三點式「表演」揈水髮，不過係失敗嘅，而且都幾狼狽吓，仲被掌鏡嘅阿哥麥明山以魔音取笑，不過Louisa以笑容搭夠！事隔一晚，Louisa再上傳一條新片，日光日白再下水表演揈水髮，仲要全慢鏡揈出嚟嘅水珠都清晰可見，Louisa大叫「媽我得咗喇」，唔知係咪為咗呢個出水芙蓉POST，苦練咗成晚！
Louisa著咗件粉肉色三點式泳衣，喺朦朧嘅夜色下，身材更顯澎湃。(影片截圖)
雖然Louisa努力揈水髮，但大家嘅注意力其實落喺佢個身材度，因為Louisa著咗件粉肉色三點式泳衣，喺朦朧嘅夜色下，身材更顯澎湃，簡直係深夜大派福利。而另一條片都唔嘢小，表演Headstand，雖然無成功Stand到，但拗腰雙腳落地拱橋呢吓真係幾堅，睇完都忍唔住讚句：「OK喎!」
呢個拱橋動作OK喎!(影片截圖)
Louisa遠在蘇梅接受《香港01》訪問就話，佢其實從來都未學過瑜珈：「純粹係細個跳舞，同自己鐘意練一啲柔軟體操嘅動作，只係自己練吓練吓就做到。」睇嚟Louisa唔只文得，高難度動作都難唔到佢。Louisa仲話今次一家人出遊非常難得：「我哋四個都要工作，好難得可以四個一齊請到假，加上3月24日係我爸爸嘅生日，所以就一齊嚟到蘇梅島旅行。」
Louisa話今次難得一家人出遊，仲同爸爸慶祝生日。（IG圖片)
+5