【金盆𠺘口】黃子華最後楝篤笑黃牛飛炒價過萬　買兩張要3萬幾

黃子華被叫得做「子華神」，魅力自然非同凡響，他早前宣布今年7月再開騷，並表明今次的《金盆𠺘口》棟篤笑將會是他最後一次演出棟篤笑，隨即令全城掀起一股搶飛熱潮，以子華神的叫座力，當然又係一票難求啦，於爭崩頭的情況下，黃牛黨亦係時候準備要大撈一筆。門票開售後，黃牛飛亦隨之出現，更公然於網上以炒價出售。

子華今次的棟篤笑最貴門票票價為港幣$880，至於炒價，基本上已經誇張到可以用天價來形容，在網上就發現有黃牛飛開價$15,555一張出售，用最貴門票$880來計是原價接近18倍，買兩張就要$31,110，真係癲價，呢個價錢夠雙人來回歐洲喇。唔知呢個價錢有幾多人買得起，又有幾多人捨得買呢？係咪真係有價有市？不過子華神就呼籲大家唔好買黃牛飛益了這些不法商人喇。