朱千雪感激父母管得嚴好家教 去男友屋企食飯例必主動執枱洗碗
撰文：張嘉敏
出版：更新：
朱千雪會同岑杏賢一齊主持big big channel節目。(黃國立攝)
朱千雪 (Tracy) 出席無綫big big channel活動同小朋友一齊玩遊戲，提到近日有報道一個嫲嫲帶孫女出街時，因為孫女扭計買糖，嫲嫲竟怒打孫女，更兜腳踢，引起網民熱烈討論。Tracy表示自己無見過人在公眾地方打小朋友，但就見過一些父母好惡咁喝罵個小朋友，她都會忍唔住望一望。Tracy當然不贊成這些咁極端的管教方式，認為小朋友要從小教導，但不應吓吓打罵，一定要取得平衡。
千雪話小朋友一定要教。
Tracy說：「我自己父母管教好嚴厲，佢哋無打過我，但係喺教育我哋三姊妹方面做得好好。有啲小朋友出街食飯時喺度喊，可以帶出餐廳外面畀佢企，等佢喊完先返返入去，自己細個嗰時都係咁，唔好騷擾到人哋。我好開心爹地媽咪家教咁好，家庭教育真係好緊要，就算我依家咁大個人，佢哋都會時時提醒我，好多生活上嘅嘢例如喺人屋企食飯要幫手執枱洗碗，食飯要叫人，揸筷子要揸得啱等等。我次次去男朋友屋企食飯都會主動幫手執枱洗碗。」
Tracy覺得爸媽教得佢好好。
Tracy認為小朋友從細個就要開始教，對於有些人覺得「佢哋咁細個唔識㗎，大個先教啦」，她並不認同：「唔會唔識，就算細個唔識都可以做咗先，例如要雙手接嘢或者畀嘢人，我細個都唔明點解，但都做咗先，大咗自然會明自，原來咁樣係尊重人同有禮貌。」她笑言父母經常對她的提點亦令她有壓力要做好自己：「總之我一定唔會失禮人。」
千雪去男友屋企食飯一定會幫手執碗洗碗。