袁偉豪入行廿年曾經捱過唔少日子：最壞打算係轉行做搬運工人
撰文：張嘉敏
出版：更新：
Ben都有小男人一面。
袁偉豪 (Benjamin) 今日出席擔正做男一的無綫劇集《三個女人一個「因」》宣傳活動，在台上玩遊戲時分別展現出大男人和小男人的一面，他表示自己在現實生活中也同樣有着這兩種個性：「隨住年紀增長，自己亦都由大男人變得小男人，以前年少氣盛，加上我係金牛座好固執，好講原則。其實最緊要識得將心比心，大男人小男人都無所謂。」他對住女朋友當然都有小男人的時候，不過卻是由他話事為多。
當然亦有好man嘅一面啦。
Ben近年備受TVB力捧，他坦言對於自己今日有呢個成績覺得好感恩，入行20年，事業路上並非一帆風順的他，也曾經捱過唔少日子。他說：「我97年入，07年加入TVB，咁多年嚟都好醉心呢一行，好鍾意演戲，但當時並無明確嘅機會同目標。有諗過最壞嘅打算係去做搬運工人，跟啲朋友去果欄搬嘢，因為嗰時好得閒，唔係日日有工開，無固定收入，做吓特約演員，又幫過B哥哥 (鍾鎮濤) 做樂隊音樂嘅嘢，出糧係出日薪。」
Ben成20年前啱啱入行時個樣。
他以前每日出糧收到票就會交給爸爸幫他儲起來，到他要用錢時再問爸爸拎，他至今依然好多謝爸爸。雖然家人好支持他，但當年見他發展一直未如理想，都有叫過他考慮轉行：「25歲係一個關口，我好多屋企人當時都同我講過話過多一、兩年仲係咁嘅話，就要做啲踏實啲工作。我好幸運，到咗26歲加入咗TVB，嗰年係我重新上路。我依家係將自己咁耐以嚟學到嘅嘢都運用晒出嚟，有時做嘢都會有脾氣，會有自己堅持，但只係想為件事好。」Ben又指自己以前性格好沉實實幹，好少講嘢，但現在都可以演一些好kai的角色：「做演員就要豁出去，要抓緊每個機會去演好個角色，投入去玩去享受。」
佢近年備受TVB力捧。(黃國立攝)