黃宗澤親自下廚煮西餐勁有功架 下一步係挑戰謝霆鋒？
撰文：冼燕珊
出版：更新：
識煮嘢食嘅男人特別Man！圈中有不唔少男神擅長煮嘢食，黃大廚黃宗澤(Bosco)就係其中一個。Bosco間唔中都會喺社交平台上載佢下廚嘅風采，日前佢為咗朋友生日，再次親自下廚，仲大讚自己發揮專業水準，非常有自信。Bosco煮咗六道菜，仲好有心機咁整埋Menu，有齊前菜、沙律同主菜，係爭個甜品姐。
Bosco為咗同朋友慶祝生日，親自下廚，仲大讚自己發揮專業水準。(IG截圖)
Bosco仲貼心整埋Menu添！(IG圖片)
這六道菜包括櫻花木煙燻北極甜蝦、香草白酒煮大蜆、波式沙律、黑椒牛油波士頓龍蝦、紅酒蕃茄炖牛腿肉，同炒意粉。其中一張相係Bosco整緊煙燻蝦，功架十足，非常專業！原來Bosco早年曾經喺契媽開嘅大牌檔跟師傅學過廚，難怪表現咁專業！睇嚟Bosco都可以同Chef Lemon謝霆鋒一較高下喎，唔少網友仲話期待佢遲啲開返個飲食節目添！
Bosco整煙燻甜蝦時非常有功架，有姿勢有實際。(IG圖片)