【逆緣】童星羅梓龍鍾意拍劇多過電影:長劇成個氣氛開心好多

撰文:黃梓恒
出版:更新:

《逆緣》今日便首播,劇中除了三爺孫陳家樂、姜大衞和黎耀祥十分有啅頭之外,有這三個年齡層後還有一個更年輕的小子,便是飾演黎耀祥和江欣燕兒子的羅梓龍(Marcus),所以其實這套劇是有四爺孫的。羅梓龍相信有留意TVB劇的觀眾應該不會陌生,早在2012年便在TVB擔當童星,每年都總有幾套劇集上映,當然電影也是,早排上映的賀歲劇《一家大晒》也有參與。

《超能爸爸》入面同李思捷嘅感情戲大受歡迎。(tvb.com)

不過在上年接受傳媒訪問時,他透露過會為了專心學業,可能會因此減產,那麼今次為何會接拍《逆緣》呢?在接受《香港01》訪問時,Marcus表示:「其實Amy姐(監製王心慰)好好,所以我就接咗呢一套,我本身真係諗住停一停,但Amy姐預早咗好多打俾我問我係咪唔拍喇,但有一套劇好想搵我拍,講晒劇本俾我同媽咪聽,就問我媽咪意見。咁我哋睇晒成個劇本都覺得好好,所以拍喇!」

今次梓龍有份拍又係相當開心。(黃梓恒攝)

電視電視都有發展的Marcus,表明比較喜歡拍電視劇,他說:「因為長劇一路對住係成個氣氛開心好多,但電影成個節奏係好急,電影有少少比起拍劇更辛苦。(拍劇同其他人關係好好?)係呀,好似阿媽江欣燕同爸B李思捷,完咗劇都會一直有聯絡,到而家都係,所以係一路建立個感情。爸B思捷話唔俾我拍,要我專心讀書,讀完書乜都可以做,呢套《逆緣》我都求咗佢好耐先俾我拍。」今年才中二的他其實都經常要補習,所以只有假期空檔才能抽空拍劇,但Marcus指TVB的監製十分之好,每次想找他都會提早預定檔劇,所以暫時都可以學業、演戲兩者兼得。

要兩面都兼顧到真係唔容易。(梁子健攝)
佢都幾受觀眾歡迎。(梁子健攝)