組合Super Girls今日在銅鑼灣舉行迷你音樂會，日前「單飛」出新歌的吳嘉熙（Cheronna）打頭陣，唱出跳舞新歌《把持》，邊唱邊跳，現場high爆，其他成員更在台下支持兼拍片。其後Cheronna再唱出3首歌，當唱完《活著多好》後，她因憶起去世的馬來西亞朋友忍不住落淚。最後五女「合體」出場，唱出《有沒有我》等兩首歌。

Cheronna表示今次是首次在室外與樂隊唱新歌，其他成員稱想看她與男舞蹈員跳性感舞，但她笑說：「今日得我一個跳咋，如果你哋想睇我下次叫佢出嚟囉。」她又稱男友黃奕晨因要工作，故不會現身支持，並指心情緊張：「因為要自己唱幾首歌，雖然後面有4個人陪我，但佢哋係樂隊。」其他成員則說：「我哋都會支持你，因為係一家人梗係會齊心支持。」

不過之後她們向Cheronna開玩笑，直指對方是「獨立歌手」：「今日好開心可以同獨立歌手合作。」問她們可會妒忌Cheronna可以單飛出歌？她們則說:「當然沒有啦，會叫公司輪流幫她們每人出一首歌。」期間Aka又踢爆Cheronna男友嫌其新歌MV不夠性感：「佢天生性感，但性感一面唔會畀我哋睇，但佢平時喺我哋面前會用BB音同男友講嘢，好核突。」