TVB打女何佩珉法國接受求婚　男友古堡外單膝跪網友讚Sweet

2011年無綫節目《功夫新星》冠軍何佩珉（Mandy）做準人妻喇！睇得又打得嘅佢先後喺《溏心風暴3》、《使徒行者2》同《親親我好媽》中演出，亦都喺電影《辣警霸王花》擔當重要角色，而戲外佢就同圈外工程師男友拍拖兩年，兼一早見哂雙方家長，感情非常穩定。尋晚半夜，正於英法兩國旅行嘅佢就喺網上Po出多張相片，包括男友單膝跪地求婚同埋佢自己中指戴上鑽戒嘅相。喺法國香波爾城堡（Château de Chambord）接受男友求婚嘅佢就相當開心，仲留言話：「Yes, I do!!!」好多網友都戥佢高興，都紛紛留言話恭喜哂。