火燒南生圍令黃夏蕙憤怒了 揚言下次再燒就剝衫影寫真以示抗議
撰文：張嘉敏
出版：更新：
夏蕙姨好sad。
南生圍是香港難得的大自然寶藏，早前卻疑遭縱火令到大範圍被燒毀，實在令人痛心疾首，黃夏蕙近日更有感而發，仲嬲到話：「下次再燒，我就實行讓半球或者唔著衫咁影，實行抗議呀！」先唔好講有無人想睇夏蕙姨的性感寫真，但她老人家寧願犧牲自己色相都要阻止人再破壞南生圍，就知她有幾咁愛惜呢個地方，正如她所說：「可憐下我Lee個老人家，唔好再搞南生圍，俾香港後花園Lee個美譽流傳落去啦。求求你，你不懂的！」唔好再搞南生圍，亦都唔好勞煩夏蕙姨喇，要她幾十歲人仲拋個身出嚟，真係叫人情何以堪呀。
佢去咗南生圍。
夏蕙姨日前特地去了南生圍親親大自然，打卡影靚相同品嚐地道美食，她還將相上載到facebook並寫了篇長文抒發自己的感想，字裡行間都feel到她對南生圍嘅愛，全文內容如下：
佢好嬲呀。
「南生圍係香港僅存既寧靜地方，諗番舊陣時拍電影個陣，武打片就去城門水塘；拍愛情片就一定係南生圍。而佢地最出名既食物就係《鹹雞》，今日仲係農莊裡撞到個中學小師妹；環境寧靜到您可以無拘無束咁同大自然同呼吸一口空氣。同一個地方有好多個景點，俾大家玩足一日，仲可以學曉如何尊重大自然既態度。野火燒不盡，希望住後日子能夠春風吹又生。唉！要地方起樓，香港仲有大把可以揀，何必要搞Lee度啦？今次就著住衫影寫真，下次再燒，我就實行讓半球或者唔著衫咁影，實行抗議呀！可憐下我Lee個老人家，唔好再搞南生圍，俾香港後花園Lee個美譽流傳落去啦。求求你，你不懂的！」
請放過南生圍，放過夏蕙姨啦。
一齊親親大自然。