沈卓盈獨門秘訣唔敷Mask一樣皮膚靚靚 仲有必備時尚穿搭單品推介

撰文:朱奕錦
出版:更新:

藝人沈卓盈(Jess)早幾日剛剛過完自己34歲牛一,日前帶病上陣,出席TVB活動「四月星辰」。出道咁多年,Jess無論樣貌同身材都keep得好好,膚白貌美,但是你絕對估唔到的是,她竟然從不敷mask,飲食上都不會特別戒口,不過秘訣就係要識得控制:「我今日食多咗好多嘢啦,我係乜都食嘅,咁第二日我就會清減啲囉,如果之後再食多咗,就要去做運動啦,去burn fat。」想要keep fit的女仔聽住啦,Jess還叮囑大家一定要均衡飲食,多做運動,飲水同食生果都好重要呀!

沈卓盈帶病出席活動,出道多年,身材樣貌依然keep得好好。(黃國立攝)
沈卓盈望落皮膚又真係幾好,估唔到她竟然唔敷mask。(IG圖片)

唔講唔覺,其實Jess私下著衫都幾有品位。原來她都好鐘意fashion,對穿衣搭配好有自己見解,希望同大家分享,其實未必要牌子或者好貴的衫都可以襯得靚。好似前排她去英國同歐洲旅行,當地人個個出街都會扮得好精緻,所以她都好有心思去配搭服裝,襯返當地的文化,時下好興的貝雷帽、印花襯衣同印花連身裙她都一一俱備。風格上來講,Jess就偏好不同類型的style,好似牛仔褸、波鞋、boot等等,都是她平日襯衫的利器,各種類型都會嘗試,期盼每次都可以帶俾觀眾新鮮感。

認真望下Jess的IG,衣品又真係唔錯,時下流行的貝雷帽、印花襯衣、闊腿褲都有在她身上出現。(IG圖片)

扮靚是每個女人的天性,如果要選擇一件必不可少的fashion item,Jess就推薦首飾:「我屋企最多嘅就係accessories,我鐘意儲,因為好百搭。每次出街襯唔同嘅首飾都會有唔同嘅感覺,同埋比較型格啲啦。如果襯女仔啲嘅,可以戴珠嘅耳環,都可以顯現女性嘅一面,其實最緊要就係唔同造型配搭唔同嘅飾物,就會更加凸顯造型。或者可以試下戴帽啦,因為帽其實都可以好多款,唔同顏色,咁可以配搭唔同嘅衫囉。」其實配搭首飾真是好重要,單是一對耳環、一隻戒指或者頸鏈,成個look都會唔同。所以如果大家有時覺得太單調,不妨學下Jess戴首飾或帽加以點綴啦。

Jess透露自己有儲首飾的習慣,飾物是成個造型的加分項。(IG圖片)
+1