【3日2夜】歐陽巧瑩同翻版袁偉豪遊帛琉：我老公 (林師傑) 先最正

無綫剛剛播出的一集《3日2夜》除了有靚女主持歐陽巧瑩 (Tammy) 同帛琉靚景睇之外，今次仲有靚仔型男添，他就是名叫Cooper的當地導遊喇，同場仲加映帛琉美人魚旅遊大使陳蕊蕊的美人魚look。講返呢位靚仔導遊Cooper，他個樣有些似袁偉豪，不過比袁偉豪更加大隻，兼留有鬍鬚顯得更加Man。他帶住Tammy周圍玩同品嚐美食，又分別公主抱Tammy同蕊蕊去浸牛奶湖，好gentleman㗎。

有個咁型仔的導遊帶住去遊山玩水，相信不少女仔都會好冧，呢位Cooper真係成個model咁款，搵埋他一齊影相都開心啦。雖然Tammy都覺得Cooper好正，不過在她心目中最靚仔最吸引她的，始終都是她未婚夫林師傑，她直言：「邊有得比吖，咁我梗係覺得我老公最正啦！」Tammy面對如此猛男都不為所動，而且未結婚就已經叫定師傑做老公，好sweet呀。