【流行經典50年】同鄧麗欣再合唱《好心好報》？　方力申：隨緣啦

由薛家燕、黎小田、古巨基、陳敏之主持的Tvb綜藝節目《流行經典50年》，今晚邀請到杜德智、方力申、寶珮如、唐韋琪、Christine Samson等做嘉賓。

今集方力申都係嘉賓之一，小方近年一直都以電影為主，唱歌方面比較少，小方亦承認自己已經好耐冇喺香港唱歌，今日除會同好朋友古巨基合唱之外，自己都會唱首經典《好心好報》。講到呢隻歌大家自然會諗到小方同鄧麗欣嘅合唱版本，但小方今次唱嘅就係獨唱版，佢講到：「呢首歌一開始就係單獨版先，出呢首歌個陣就2003年，經過十幾年，我諗經唔經典就係人地講，但我諗就係夠耐。」

至於大家其實一直都好希望，小方同Stephy可以再度一齊唱番佢地合唱嘅經典歌曲例如：《好心好報》、《好好戀愛》、《我的最愛》等比大家聽，小方表示其實暫時就冇諗過，因為自己而家冇唱片公司合約，所以都係隨緣啦。