王力宏遭老婆李靚蕾偷拍報復　公開絕密浴室片段大整蠱？

王力宏同老婆李靚蕾近排公開耍花槍，繼日前王力宏喺網上大晒爆肌身型，怨老婆做低頭族，練到咁大隻都唔望吓自己。李靚蕾隨後在IG預告將進行「偷拍大戰」，「報復」老公偷拍自己，網民紛紛留言話好期待呀！

李靚蕾牙齒當金使，真係走去偷拍老公，仲要係趁王力宏喺浴室嗰時影添，王夫人真係好慷慨呀，不過可惜阿力宏當時著住浴袍。影片中嘅王力宏應該係剛沖完涼，李靚蕾開咗條門罅偷影，即將舉行演唱會嘅力宏，喺浴室度放聲練歌，李靚蕾話老公已經練咗3個月，連沖涼時間都唔放過。王力宏除咗喺浴室唱歌傾公事之外，仲有上磅量體重，李靚蕾意外公開老公嘅體重，係72KG，以王力宏嘅身高嚟講真係好fit。

之後王力守發現老婆偷拍，溫柔問老婆：「做咩影我？」李靚蕾佻皮地哈哈兩聲回應，王力宏說：「這是報仇的意思嗎？」然後張開雙手，一副任你影嘅樣，之後話要開個浴袍演唱會，隨即又唱起歌來，兩公婆嘅互動真係非常溫馨搞笑。